09:00 цагт Үйлдвэрчний эвлэлийн соёлын төв ордонд Монгол Улсад барилгын салбар үүсч хөгжсөний 90 жилийн ойн хүрээнд зохион байгуулж буй “Барилгын салбарын удирдах ажилтны зөвлөгөөн-2016” болно. Зөвлөгөөнд салбарын төрийн болон төрийн бус байгууллага, аж ахуйн нэгж оролцоно.
10:00 цагт Туушин зочид буудалд Хөдөлмөрийн салбарын Хөгжлийн түнш байгууллагуудын уулзалт болно. Уулзалтанд Мэргэжлийн боловсролын салбар болон хөдөлмөр эрхлэлтийн салбар дахь төсөл, хөтөлбөр хэрэгжүүлэгч ОУБ-ууд, Элчин сайдын яамдуудын төлөөлөл, Сангийн яамныхан оролцоно. Тус уулзалтаар МБС-ын салбарт хэрэгжиж буй төсөл хоорондын уялдаа холбоог сайжруулах, интернэтд суурилсан нэгдсэн мэдээллийн сан үүсгэх, МБС-ын бодлогын хэтийн төлөвлөгөөг хэлэлцэх болон хамтран зохицуулах үр дүнтэй санал бодлыг хуваалцах зорилготой юм.
10:00 цагт Цэнгэг усны нөөц байгаль хамгаалах төвд болон Нийслэлийн 40-р сургууль дээр Монгол улсын "Улаан ном" уралдаант тэмцээн болж, Баянгол, Сүхбаатар дүүргийн сурагчид өрсөлдөнө. Мөн 40-р сургуулийн тэмцээнд БОНХАЖ-ын сайд Н.Батцэрэг, ЦУНБХТ дээр болох тэмцээнд БОНХАЖЯ-ны Төрийн нарийн бичгийн дарга Ц.Цэнгэл нар хүрэлцэн ирнэ.
11:00 цагт Төрийн ордний баруун хаалган дээр Хатан туул хөдөлгөөнийхөн Улсын их хурлын даргад шаардах бичиг , нэр бүхий 11 гишүүнд уриалга гардуулна.
11:00 цагт “Монгол ньюс” мэдээллийн төвд Хувийн хэвшлийн дуу хоолойг нэгтгэж, сонгуулиас өмнө улс төрийн намууд болон салбарын яамдад хүргэх зорилгоор зохион байгуулж буй Монголын бизнесийн зөвлөлийн анхдугаар чуулга уулзалтын талаар мэдээлэл хийнэ. Хэвлэлийн бага хурлыг “Эрдэнэс Монгол” ХХК-ийн Гүйцэтгэх захирал Б.Бямбасайхан удирдан явуулна.
11:30 цагт “Монгол ньюс” мэдээллийн төвд Олон улсын “Азийн хаалга” үзэсгэлэнгийн талаарх мэдээллийг сонирхоорой. Хурлын үеэр ОХУ-ын бараа бүтээгдэхүүний танилцуулга, амталгаа явагдана.
12:00 цагт “Монгол ньюс” мэдээллийн төвд Монголын үсчин гоо сайханчдын холбооноос “Алтан хайч” улсын уралдааны талаар мэдээлэл хийнэ.
12:00 цагт Нийгмийн халамж үйлчилгээний газар хэлтэсүүдэд Азийн хөгжлийн банкны дэмжлэгээр олгогдож байгаа комьютер, тоног төхөөрөмж хүлээлгэн өгөх үйл ажиллагаа болно.
