УИХ-ын Халдашгүй байдлын дэд хороо хаалттай хуралдаж, Т.Аюурсайхан, Д.Бат-Эрдэнэ, Н.Наранбаатар нарын бүрэн эрхийг түдгэлзүүлэх ерөнхий прокурорын саналыг хэлэлцэж эхэллээ. Хуралдааны өмнө ерөнхий прокурор Б.Жаргалсайхан “Гурван гишүүний бүрэн эрхийг түдгэлзүүлэх зайлшгүй шаардлага байгаа. Мөрдөн шалгах байгууллагын ажиллах боломжийг нь бүрдүүлэх үүднээс энэ асуудлыг УИХ-д оруулж ирсэн. Түүнээс аль нэг гишүүний гэм буруугийн асуудлыг шийдэх гэж оруулаагүй. Мөрдөн шалгах ажиллагаа явж байна. Үндэслэл байгаа учраас яллагдагчаар татсан” гэсэн байр суурийг илэрхийллээ.
