Засгийн газрын ээлжит хуралдаан үргэлжилж байна. Өнөөдрийн хуралдаанаар гаргасан шийдвэрийн талаар ЗГХЭГ-ын дарга Д.Амарбаясгалан мэдээллээ.
Тэрээр "Засгийн газраас 2022 ооны аравдугаар сард Эрдэнэс Тавантолгой ХК-д Бүрэн эрхт төлөөлөгч томилсон. Засгийн газрын өнөөдрийн хуралдаанаар БЭТ-ийн зургаан сарын үйл ажиллагааны тайланг сонсож, Эрдэнэс Тавантолгой ХК-д Бүрэн эрхт төлөөлөгч томилсон хугацааг зургаан сараар сунгах шийдвэр гаргалаа. Хуульд зааснаар Бүрэн эрхт төлөөлөгч томилох хугацааг сунгах бол УИХ-д өргөн мэдүүлдэг зохицуулалттай. Тиймээс Засгийн газар энэ асуудлыг УИХ-д өргөн мэдүүлнэ" гэв.
