Дөрвөн жилд нэг удаа “Их газрын чулуу” байгалийн үзэсгэлэнт газар, байгалийн задгай театрт болдог энэхүү наадам нь наймдугаар сарын 11-12-нд зохион байгуулагдсан. Тус наадмын арга хэмжээнд "Угтах ёслол", "Тэнгэр газрын дуун" хүндэтгэлийн тоглолт, “Уяхан замбуу тивийн наран" Runway загварын шоу, "Эрт урьд цагт" хүүхдийн тоглолт, "Нар нь нүүдэллэсэн аялгуу" 3000 уртын дуу, морин хуурчдын нэгдсэн тоглолт, "Их хүндэтгэл" тоглолт зэрэг урлаг соёлын хөтөлбөрүүд тоглогдсон байна. Түүнчлэн эдгээр хөтөлбөрийг үзэж сонирхохоор нийт 41000 гаруй гадаад, дотоодын жуулчид иржээ.
