10:00 цагт
-Улаанбаатар банк дээр Энэ жил төгсөх оюутнуудад зориулсан "Улаанбаатарт үйлдвэрлэв" үзэсгэлэн худалдаа болно.
-НЗДТГ-т ИТХ-ын Тэргүүлэгчдийн ээлжит хуралдаан болно. Хуралдаанаар Автомашингүй гудамж төслийг хэрэгжүүлэх зорилгоор Нийслэлийн газар зохион байгуулалтын төлөвлөгөөнд өөрчлөлт оруулах тухай, нийслэлийн 2016 оны төсөв баталсан НИТХ-ын тогтоолд өөрчлөлт оруулах тухай зэрэг асуудлыг хэлэлцэнэ.
11:00 цагт
-Хэвлэлийн хүрээлэнд ЕБС-ийн сурах бичгийг хэвлэх тендер будлиантай явагддаг талаар Хэвлэлийн Үйлдвэрүүдийн Холбоо болон Хэвлэх үйлдвэрүүдийн захирлууд мэдээлэл хийнэ.
-Хүүхдийн ордонд Хууль зүйн яам, ЭМСЯ, ХАХНХХЯ, ЦЕГ, ХЭҮК, хүүхдийн чиглэлээр ажилладаг төрийн болон төрийн бус байгууллагынхан, хөдөлмөр хийхээс аргагүй болж буй 250 гаруй бяцхан жаалууд “Хүүхдийн хөдөлмөрийг устгах дэлхийн өдөр”-ийг угтсан аяны нээлтэд оролцох юм.
12:00 цагт
-Монголын Хөлбөмбөгийн Холбооны байранд Монголын Өмгөөлөгчдийн Холбоо, Монголын Хөлбөмбөгийн Холбоо хооронд хамтын ажиллагааны санамж бичиг байгуулна.
12:30 цагт
-Хөдөлмөрийн сайд, Үндэсний хорооны дарга Г.Баярсайхан хөдөлмөр нийгмийн зөвшлийн гурван талт үндэсний хороо хөдөлмөрийн хөлсний доод хэмжээг 25 хувиар нэмэх тохиролцоонд хүрч чадсантай холбоотойгоор хэвлэлийн бага хурал хийнэ.
14:00 цагт
-Нийслэлийн Үйлчилгээний нэгдсэн төвд Нийслэлийн удирдлагын зөвлөлийн ээлжит хуралдаан болно. Хуралдаанаар Эх хүүхдийн эрүүл мэнд, Улаанбурхан өвчний талаарх цаг үеийн мэдээлэл, Нийслэлийн жижиг дунд үйлдвэрийг хөгжүүлэх сангийн тайлан, Хөдөлмөр эрхлэлтийг дэмжих төвийн танилцуулга асуудлыг хэлэлцэнэ.
