Увс аймгийн Малчин сумын нэгдүгээр багийн "Мөнгөн давалгаа" гэдэг газар Наранбулаг сумаас Улаангом чиглэлд зорчиж байсан зургаан зорчигчтой суудлын автомашин Хяргас нуурын мөсөнд цөмөрч оржээ. Энэ тухай дуудлагыг нэгдүгээр сарын 26-ны өдрийн 15:25 цагт холбогдох албаныхан хүлээн авсан байна. Дуудлагын дагуу аймгийн Онцгой байдлын газрын Аврах салбарын алба хаагчдыг очиход иргэн О-гийн эзэмшлийн “Prius-30” загварын суудлын автомашин нуурын эргээс 300-400 м зайд мөсөнд цөмөрч нуурын усанд бүхэлдээ орсон байжээ. Албаныхан автомашиныг таван метрийн гүнээс татан гаргасан байна.
.png?1738035310874)
.jpg?1737944869658)
