Дулаалгатай, металл фасад засварын ажил дууслаа

Нийслэл хот 2025 оныг “Бүтээн байгуулалтын жил” болгон зарласан. Энэ хүрээнд иргэдийн ая тухтай орчинд төрийн үйлчилгээг авах орчин нөхцөлийг сайжруулах зорилгоор Сүхбаатар дүүргийн наймдугаар хорооны нутаг дэвсгэрт байрлах Их тойруугийн 81/1 дүгээр байр буюу Захиргааны хэргийн шүүхийн нэгдсэн байрны фасадыг шинэчиллээ.

Уг тохижилтын ажлыг нийслэлийн төсвийн хөрөнгө оруулалтаар "Буяннэмэх интер" ХХК хийж гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллалаа.