Нийслэлийн Чингэлтэй дүүргийн 5-р хорооны нутаг дэвсгэрт байрлах Байгалийн түүхийн музейн залгаас барилгыг буулгажээ. Дүүргийн зүгээс чөлөөлсөн газрыг ирэх хавраас ногоон байгууламж болгон тохижуулах шийдвэрт хүрсэн гэж мэдээлэв.
Одоогийн Чингис хааны музейн буурин дээр байрлаж байсан Байгалийн түүхийн музейг 2019 онд нурааж, үзмэр, эд өлгийн зүйлсийг Тусгаар тогтнолын талбайн хойд тал дахь Үлэг гүрвэлийн музей буюу хуучнаар Лениний музей рүү шилжүүлж байсан юм.
Харин Байгалийн түүхийн музейн шинэ барилгыг хотын төвөөс 1.8 км зайтай, Их Тэнгэрийн аманд өнгөрсөн оноос эхлэн барьж байгаа билээ.
