"Монгол Улсад зөвхөн өнгөрсөн өвөл л гэхэд 5300 гаруй цагаан зээр үхсэн гэдгийг Германы Бонн хотод болсон "Зэрлэг амьтдын нүүдлийн зүйлүүдийг хамгаалах тухай конвенц”-ийн Шинжлэх ухаан зөвлөлийн хуралдаан дээр дурьджээ. Цагаан зээр ингэж олноороо үхэх гол шалтгааныг төмөр зам гэж тайлбарлаж байна. Учир нь төмөр замын хоёр талаар татсан төмөр торон хашаанууд цагаан зээрнүүдэд хиймэл саад бэрхшээл учруулж, үхэлд хүргэж байгаа аж. Ялангуяа Транс-Монголын төмөр зам цагаан зээрнүүдийн нүүдэлд том саад болдог байна. Өвлийн хүйтэнд жавар, шуурганаас зугтах эсвэл идэш тэжээлээ хайхаар 1000 гаруй км нүүдэллэдэг. Монголын хойд зүгээс өмнөд зүгийг чиглэсэн төмөр зам цагаан зээрнүүдийг хоёр хэсэгт хуваасан байдаг
Цагаан зээр төмөр зам орчмоор их үхжээ
2016-04-26 16:34:00
