09.00 цагт: "Зүрхний эмгэгийн сувилахуйн тусламж үйлчилгээний цогц шийдэл" сэдэвт үндэсний сургалт ЭМСЯ-ны " Б" зааланд эхэлнэ.
09.30 цагт: Стандартчиллын Үндэсний зөвлөлийн хурал Стандартчилал, хэмжил зүйн газрын хурлын танхимд болно. Энэ удаагийн хурлаар Мэдээлэл, харилцаа холбоо, Авто тээвэр, Газар тариалан, Авто зам, Газрын тос, Барилга, Чанарын удирдлагын тогтолцоо, Хөдөлмөрийн нөхцөл аюулгүй байдлын стандартчиллын техникийн хороодын нийт 62 асуудал хэлэлцэх юм.
09.30 цагт: Хөдөлмөрийн аюулгүй байдал, эрүүл ахуйн дэлхийн өдрийг угтаад ХАБЭА-н сарын аяныг орон даяар өрнүүлж бөйгаатай холбогдуулан зохион байгуулах "Нэн түрүүнд ХАБ" бага хурлын нээлт "Чингис" зочид буудалд болно.
10.00 цагт: Жил бүрийн хаврын адаг сард болдог Майдар эргэх их ёслол МБШТөв Гандантэгчэнлин хийдэд болно.
10.00 цагт: Барилгын орчинд иргэдийн аюулгүй байдлыг хангуулах, хяналт тавих ажлыг ТББ-тай хамтран зохион байгуулж байгаа ажлын хэсэг БГД-ийн 16-р хороо, Эх нялхасын ЭМҮТ-ийн баруун талд барьж буй Монголын Үндэсний дээд сургуулийн өргөтгөл, оюутны байрны барилгын ажилд шалгалт хийнэ.
10.00 цагт: Нийслэлийн Засаг даргын 2016 оны А/103 дугаар захирамжаар "Улаанбаатар - Марафон - 2016" олон улсын гүйлтийн тэмцээн Зохион байгуулах Ажлын хэсгийн Анхдугаар хуралдаан Нийслэлийн Засаг даргын Тамгын газрын "А" танхимд болно. Хуралдаанаар зохион байгуулах ажлын хэсгүүд, бэлтгэл ажлын төлөвлөгөө, тэмцээний заавар, гүйлтийн зам маршрут, зай зэрэг асуудлуудыг хэлэлцэнэ.
