8o
Улаанбаатар хот
mobile menu

Налайхын бичил уурхайд нэг хүн амиа алджээ

2016-04-28 14:18:00

Нийслэлийн Налайх дүүргийн гуравдугаар хорооны задгайд “Марал-Мичид-Од” ХК-ийн эдэлбэр газрын ард иргэн Э-гийн бичил уурхайн аманд хүн дарагдаж нас барсан хэрэг гарлаа. Энэ тухай дуудлага өчигдөр өдрийн 15:15 цагт ОБЕГ-т иржээ. Улмаар 14 алба хаагч, гурван техник хэрэгсэлтэйгээр ажиллаж, 40 метрийн гүнээс 15:56 цагт иргэн 22 настай Ш-г хүчил төрөгч дутагдаж нас барсан байсныг гаргасан байна. Улмаар цогцсыг нь тус дүүргийн эрүүл мэндийн нэгдлийн моорогт шилжүүлжээ.

Мөн иргэн 34 настай, эрэгтэй Р-ийг уурхайн ажилчид гаргаж ирсэн бөгөөд ухаангүй байдалтай байсныг эмнэлгийн анхан шатны тусламж үзүүлэн, Эрүүл мэндийн нэгдэлд хүргэжээ. Налайх дүүргийн нэгдүгээр хороонд оршин суух иргэн, 37 настай Э-ийн уг уурхай нь үйл ажиллагаа явуулах зөвшөөрөлгүй байсан аж.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment