Бидний төлөөлөлөө болгон сонгосон гишүүд хэрхэн ажиллаж, хуулийг яаж баталдаг вэ. Энэ бүхнийг илтгэсэн нэгэн бичлэг цацагдаж эхэллээ. УИХ-ын гишүүн Ц.Оюунгэрэл өөрийнхөө эргэн тойрны зургаан гишүүний кнопыг дарж, санал өгч байгаа нь бичлэгт үлдсэн байна. Энэхүү үйлдэлийг “төгөлдөр хуурдах” гэж нэрлэдэг. Нэг биш нэлээд хэдэн кноп дарж байгаа нь бичлэгт үлдсэн байна. Ц.Оюунгэрэл гишүүн энэ талаар өөрийн твиттертээ “Өчигдөр чуулган цаг сунгаж хуралдсан. Гишүүд хоол идэх ч завгүй байсан. Нэг нэгээрээ гарч хоол идэх хооронд ийм зүйл болсон” гэжээ.
