"Нийгэмд тустай сайн мэдээ" аян эхэллээ

“Эрдэнэт Үйлдвэр” ХХК-аас санаачилж МСНЭ хариуцан “Нийгэмд тустай сайн мэдээ түгээх аяныг хэвлэл мэдээллийн байгууллагуудын дунд эхлүүллээ. Нийгэмд тустай сайн сайхан мэдээлэл түгээх соёлыг хэвшүүлэх, гэгээрүүлэх үйлсэд хэвлэл мэдээлэл, сэтгүүл зүйн салбаынхныг идэвхжүүлэх, компанийн нийгмийн хариуцлагыг дээшлүүлэх талаар бусад аж ахуйн нэгжүүдэд үлгэр дуурайл үзүүлэх, мэдээллийн урсгал дундаас эх орон, хувь хүн, олон нийтэд хэрэгтэй, тустай мэдээллийг илүү чухалчлан, тийм мэдээлэл түгээсэн хэвлэл мэдээллийн хэрэгслийг илүүтэй хүндэтгэдэг хандлагыг төлөвшүүлэхэд уг аяны гол зорилго орших юм байна. Энэхүү аянд Монгол улсад үйл ажллагаа явуулж буй бүхий л хэвлэл мэдээллийн байгуулагууд оролцож “Нийгэмд тустай сайн мэдээ” түгээх үйлсэд хувь нэмрээ оруулах боломжтой юм. Сайн үйлс бүхэн дэлгэрэх болтугай. Эрүүл, илүү сайхан нийгмийг хамтдаа бүтээцгээе.