Нийслэлийн хүүхэд гэр бүлийн хөгжлийн газраас энэ зун ажиллах хүүхдийн зуслангуудыг танилцууллаа. Энэ жил хүүхдийн зуслангууд ирэх сарын 8-наас эхлэн хүүхдүүдээ авч эхлэх бөгөөд нийслэлийн хэмжээнд 24 хүүхдийн зуслан ажиллах юм байна. Өнгөрсөн онд нийт 20 хүүхдийн зуслан ажиллаж, 17831 хүүхэд амраажээ. Хүүхдүүд зусланд амрахын тулд child.gov.mn сайтаас эрүүл мэндийн хуудсыг татан авч, харьяа дүүргийн Эрүүл мэндийн төвөөр бөглүүлэх хэрэгтэй. Харин хувийн болон харьяаллын бус эмнэлгээр бөглүүлбэл хүчингүйд тооцохыг анхааруулж байна. Мөн зусланд амрах хүүхдүүд дотор, арьс, сүрьеэ, цагаан хорхой болон шээсний шинжилгээ өгөх юм байна. Харин 16-18 насныхан ДОХ, бэлгийн замын халдварт өвчний шинжилгээ өгөх шаардлагатай аж.
Өсвөр насныхан ДОХ-ын шинжилгээ өгнө
2016-05-06 07:46:00
