Монгол Улс 2012 оноос “Хөдөлмөрийн аюулгүй байдал, эрүүл ахуйн дэлхийн өдөр”-ийг тэмдэглэн өнгөрүүлж ирсэн. Энэ жил тус өдрийг Нийслэлийн мэргэжлийн хяналтын газар, Хөдөлмөрийн газар хамтран “Тусгаар тогтнолын талбай”-д зохион байгуулж байна.
Энэ удаагийн арга хэмжээний онцлог нь хөгжлийн бэрхшээлтэй иргэдийн ажиллах нөхцлийг бүрдүүлэх зорилгоор хууль эрх зүйн зөвлөгөө өгөхөөс гадна тэднийг ажлын байранд зуучилж байгаа аж. Түүнчлэн үйлдвэрлэлийн осол, мэргэжлээс шалтгаалах өвчлөлөөс урьдчилан сэргийлэх үзүүлэх сургалт, стандартын шаардлага хангасан ажлын хувцас хамгаалах, хэрэгсэл, дохио, санамжийн үзэсгэлэн гаргажээ.
