“Хүн юу тарина түүнийгээ л хураана” гэдэг сайхан үг бий. Сайн бүхнийг дэлгэрүүлж сайхныг дэмжих нь өөрөө сайн үйлдэл. Ингээд өнөөдрийн сайн мэдээг хүргэдэг “Сайн”-ыг тоймлов булангаа хүргэж байна.
Гамшгийн сургалтанд ашиглах автомашинтай боллоо
БНСУ-ын Сөүл хотын Онцгой байдлын газраас тусламжийн шугамаар нийслэлийн Онцгой байдлын газарт иргэд, хүүхэд багачуудад болзошгүй эрсдэлээс өөрийгөө болон бусдыг танхимын болон газар хөдлөлт, гал түймэр зэрэг аюулт үзэгдэл, ослуудаас урьдчилан сэргийлэх аврах ажиллагааны дадлага, сургалт, сурталчилгааны үед ашиглах автомашиныг хүлээлгэн өгсөн сайн мэдээг энэ удаад онцоллоо.
Харин Чингисийн өргөн чөлөөнд 260 улиас, 30 монос, Олимп 234, Зайсанд 215 улиас, 58 монос, Баруун 4 замаас Офицер хүртэл 21000 хайлаас, 3000 шар хуайс, 6000 агч мод , 270 гүйлсбут суулгаж, Чингисийн өргөн чөлөөнд 2000 хайлаас мод тарьсан лаа. сайн мэдээг дуулгаж байна.
Мөн бараан болон цайвар ноолуурын ханш 63021-66300 төгрөгт хзрсэн таатай мэдээг хүргэе. Энэ нь өнгөрсөн оны мөн үеэс 10-12 хувиар өссөн аж.
Түүнчлэн 69 дэх удаагаа зохион байгуулагдаж “Каннын кино маркет” нь энэ сарын 11-21-ны хооронд болж байгаа юм байна. Энэхүү кино маркетад МУСК “Маш нууц”, “Содура”, “Үргээлэг 2”, “Элэг нэгтэн”, “Lovers”, “Босуул” гэх мэт уран бүтээлүүд оролцож байгаа бөгөөд тэр дундаас “Үргээлэг 2” каннын дэлгэцээр гарахаар хуваарь гарсаныг дуулгахад таатай байна.
Монголын маань цэлмэг тэнгэр ододтойгоо учирахаар догдлон алтан наран уулсын цаагуур өнгийх цаг мөчид Монгол оронд маань өнөөдөр болж өнгөрсөн зарим үйл явдлуудаас Сайн мэдээг онцлон дуулгалаа.“Нийгэмд тустай сайн мэдээ түгээх аян”-ы санаачлагч “Эрдэнэт үйлдвэр” ХХК, зохион байгуулагч “Монголын сэтгүүлчдийн нэгдсэн эвлэл”, түгээн дэлгэрүүлэгч chuhal.mn сайт.Босоо заяат Монгол түмний минь заяа хийморь нь үргэлж өөдөө байж, дуу шиг уянгатай, сүү шиг өнгөтэй сайн мэдээ бүхэн тархан цуурайтах болтугай.
Сайн үйлс бүхэн өнгөжин дэлгэрч, цагаан сүүний цацал адил өөдлөн дэвжих нь лавтай
www.Chuhal.mn
