09:00 цагт Нийслэлийн Иргэний танхимд Нийслэлийн мал эмнэлгийн байгууллагуудын нэгдсэн зөвлөгөөн болох гэж байна. Улаанбаатар хотын мал эмнэлгийн байгууллагууд нэг дор цугларч ажил бүтээлээ дүгнэх, санал солилцох, цаашид авч хэрэгжүүлэх арга хэмжээг төлөвлөх энэхүү зөвлөгөөнд салбарын сайд Р.Бурмаа ирж оролцоно.
09:00 цагт ШУТИС-ийн I байр, эрдмийн зөвлөлийн 203 тоот өрөөнд Монголын Залуу Эрдэмтдийн Холбоо нь 2016 онд судалгаа хөгжлийн салбарын үнэ цэнийг нэмэгдүүлэх, нийгмийг эерэг сэтгэлгээнд хандуулсан төслүүд хэрэгжүүлэх зорилтын хүрээнд энэ 5 дугаар сарын 13-нд “The Вest Рaper Аwards: Master & Doctor student” ЭШБХ-ыг “Монголын инновацийн 7 хоног” арга хэмжээний хүрээнд ШУТИС болон бусад дэмжигч байгууллагуудтай хамтран зохион байгуулна.
10:00 цагт Байгаль эх лицей ахлах сургууль МУИС-ийн багш эрдэмтэд монголын анхны хиймэл дагуулыг 2017 оны хавар олон улсын “Birds” төслийн хүрээнд хөөргөхөөр ажиллаж байгаа билээ. Сансарын хиймэл дагуулын судалгаа шинжилгээ, сансар судлалын талаарх сонирхолтой мэдээлэл, өртөөчилсөн сургалтыг тус сургуулийн багш, ажилтан, суралцагчид, эцэг эхийг хамруулан зохион байгуулахаар боллоо.
10:00 цагт НМХГ-ын хурлын танхимд эклер, 61-р сургуулийн үдийн цайнаас үүдсэн хоолны хордлогын талаар мэдээлэл хийнэ. Хэвлэлийн хурлыг НМХГ, ХӨСҮТ хамтран зохион байгуулж байна.
10:00 цагт Хангарди ордны 14 давхарт Нийслэлийн Удирдлагын зөвлөлийн ээлжит хуралдаан болно.
11:00 цагт Засгийн газрын III байрны 320 тоотод /хуучнаар статистикийн хорооны байр/ Монгол Улсын нийгэм, эдийн засгийн 2016 оны эхний 4 сарын байдлаарх хэвлэлийн бага хурал болно.
11:00 цагт НЗДТГ-ын А зааланд Нийслэлийн Сонгуулийн хорооноос хэвлэлийн бага хурал зарлалаа. Хурлаар нийслэлийн сонгуулийн хорооноос хийж хэрэгжүүлж байгаа ажлын талаар болон НИТХ-ын 2016 оны ээлжит сонгуульд оролцох 13 нам, 2 эвслээс ирүүлсэн нэр дэвшигчдийн материалыг хүлээн авсан талаар мэдээлэл өгнө.
11:00 цагт Зууны мэдээ сонины Үндэсний мэдээллийн төвд СХД-ийн МАХН-аас цаг үеийн асуудлаар мэдээлэл хийнэ.
13:00 цагт Аса циркт Мэргэжлийн тамирчдын халз тулааны талаар хэвлэлийн бага хурал болно. Уг тулаан энэ сарын 14-нд болно.
12:00 цагт Хэвлэлийн хүрээлэнд Гудамж төсөл, авто зам барьсан авто замын компанууд одоо хүртэл санхүүжилтээ аваагүй байгаа ба Их хурал, ЗГ, Нийслэлийн Засаг дарга нарт шаардлага хүргүүлсэн боловч ямар нэгэн арга хэмжээ аваагүй учир Авто Замчдын ҮЭХ дараа дараагийн арга хэмжээг авах болсон талаар мэдээлэл хийнэ.
20:00 цагт Тэнгис кино театрын дэргэдэх Тусгаар тогтнолын талбайд гэр бүлийн хүчирхийллийн улмаас амиа алдсан хүмүүсийн дурсгалд зориулан зул өргөнө.Эрүүл Зөв Монгол ТББ зохион байгуулна.
