Татвар төлдөггүй нууц нөхцөлөөр ихээхэн хэмжээний мөнгө хадгалж, эх орноосоо гадуур эргэлдүүлэгч оффшорын хэрэгт нэлээд хэдэн хүн манай улсаас багтсан. Үүний нэг нь Хотын даргын хүү Э.Бат-Үүлийн хүү Б.Чулуудай юм. Оффшор данстануудын эгнээд орсон Кёкүшюзан Д.Батбаяр, “Петровис” компанийн захирал Ж.Оюунгэрэл, Дорнын говийн Дэлгэрсайхан, Сү Батболдын ах С.Бат-Очир хэмээх олон жил бизнес хийж байгаа эрхэмүүд ч бас багтсан. Тэдний дотор байгаа Э.Чулуудайг бусдын адил бизнесийн салбарт хал үзэж, халуун чулуу долоотлоо туршлага хуримтлуулсан нэгэн гэхэд хэн ч итгэхгүй. Б.Чулуудай "Strategic Mines Inc" гэх уул, уурхайн компанийн хувьцаа эзэмшигчээр оффшор бүсэд дансыг 2001 онд нээсэн аж. Энэд нэг анхаарал татаж байгаа юм нь "Strategic Mines Inc" гээд стратегийн орд гэсэн компани нэрнээсээ эхлээд олны анхаарлыг татаж байгаа. Өөрөөр хэлбэл, Б.Чулуудайн оффшор данс стратегийн ордод зориулагдсан уу хэмээн хүмүүс хардаж байна. Энэ талаар Б.Чулуудай хэлэхдээ "Оффшорт бүртгэлтэй гээд байгаа "Стратежик майнинг” компанийг Сингапурын иргэн найзынхаа хамт 2011 онд байгуулж, 2013 онд хаасан. Тухайн үед хүн бүр л уул уурхайд хөрөнгө оруулалт гэж хошуурч байхад хийхийг зорьсон бизнес. Тэгээд бүтээгүй. Өөрөөр хэлбэл, миний аавыг хотын дарга болохоос өмнө 2011 онд байгуулагдсан компани шүү дээ. Үйл ажиллагаа явуулахгүй байж байгаад хаагдчихсан. Данс нээгээгүй учраас нэг ч долларын гүйлгээ хийгдээгүй. Ер нь энэ далимд хэлэхэд би хар багаасаа л иргэний эрхээ эдлэж чадахгүй байнга хардлагад өртөж, гүтгүүлж дайруулж ирлээ. Улс төрчийн хүү болсон минь буруутай бололтой” хэмээн өөрийгөө өмөөрч хэллээ.
Улс төрч хүний хүүхэд гэдгээ ойлгодог бол дээд зэргийн хариуцлагатай ажиллах байлаа. Тэрбээр аавыгаа Хотын дарга болсоноос хойш ашиг сонирхолын зөрчил нэлээд хэдийг гаргасан. Тодруулбал, Тэрбээр, “Гранд лайн” хэмээх компани байгуулсан байдаг бөгөөд 11 тэрбум төгрөгийн санхүүжилтийг гэр хорооллын дахин төлөвлөлт нэрийдлээр төсвөөс гаргуулсан байдаг. Төлөвлөлтийн дагуу “Түмэн амгалан” гэх хотхон барихаар ажилдаа орсон ч өдгөө гурван жилийн нүүр үзэж байгаа бөгөөд барилгын ажил нь зогссон байгаа. Э.Бат-Үүл дарга хүүгийнхээ компанид ажил олж өгөхийн тулд ийнхүү дахин төлөвлөлт гэх ажлыг санаачлан хэрэгжүүлсэн юм болов уу гэж бодоход хүртэл хүргэж байгаа юм. Яагаад гэхээр Хотын дарга Э.Бат-Үүлд дарга шударга ажиллаж чадсан бол тухайн үед хүүхэддээ гэр хорооллын дахин төлөвлөлтөнд оролцуулахгүй байсан. Э.Бат-Үүл дарга “Миний хүү энд ашиг сонирхлын зөрчил гарна, тийм болохоор чи хэрэггүй” гэж хэлсэн бол өнөөдөр байж болох хамгийн том үнэлгээг авах байлаа. Аав нь хотын дарга хүү нь санаачилж буй ажлыг нь гүйцэтгэгч гээд бодохоор хэн бүхний хардлагыг төрүүлнэ.
Б.Чулуудайн компани Хонконгийн хамгийн үнэтэй байрлалд оршдог “OCEAN CENTRE”-д байрладаг
.PNG)
Б.Чулуудайн бүртгүүлсэн компани нь Хонконгийн хамгийн үнэтэй байрлалд оршдог “OCEAN CENTRE” оффисын наймдугаар давхарт байрладаг аж. Өөрөөр хэлбэл дэлхийн хэмжээний баячуудын түрээслэдэг худалдаж авдаг, өндөр зэрэглэлийн оффисст байрладаг байгаа нь нэлээд хардлага төрүүлж байна. Нэгэн цагт Үүл дарга саяханыг хүртэл машингүй, хувьдаа бизнесгүй эхнэрийнхээ бичсэн “Үүл бид хоёр” номны орлого, цалин хоёроороо л амьдардаг гэж ярьж байсан удаатай. Гэтэл хүү нь энэ хэмжээний хөрөнгө хэзээ босгов гээд бодохоор хэн бүхний хардлагыг төрүүлэх нь мэдээж. Энэ мэт асуудалд орсон улс төрчид ажлаа хүлээлгэж өгдөггүй юмаа гэхэд ард түмнээс уучлалт гуйх чадваргүй гэж үү. Ард түмнээ дорд үзнэ тэгээд, намайг сонгооч гэж гуйна. Энэ дэлхийн улс төрд байдаг жишиг гэж үү. Дэлхийн улс орнуудын жишгээс харахад ямар нэгэн асуудалд орлоо гэхэд ард түмнээсээ уучлалт гуйгаад ажлаа хүлээлгэж өгдөг жишиг аль хэдийн тогтсон. Гэтэл манай хэдэн улс төрчид үхэн хатан улайран энэ улс төр лүү зүтгэж байгаа нь юуны төлөө гэдгийг бидэнд төвөггүйхэн ойлгуулана. АНУ, Франц, Испани, Австри, Австрали, Энэтхэг, Бельги зэрэг орны төрийн удирдлага, хууль хяналтын байгууллагууд нь "Panama Papers" -с илэрсэн оффшор данстай улстөрч, байгууллагуудад хариуцлага тооцох, шалгах тухайгаа аль хэдийнээ мэдэгдээд эхнээсээ зарим албан тушаалтнууд нь оффшор данс нээснээсээ болж огцорч байна. Энэ мэт сандал суудалаа хүлээлгэж өгдөггүй юмаа гэхэд ёс зүйтэй байх хэрэгтэй. Ядаж дахин сонгогдох нэр нүүрээ бодох хэрэгтэй.
