Цэцгийн услаж арчлах тусам өнгөө засаж улам дэлбээлэн ургадаг. Яг л үүнтэй адилхан сайн, сайхан эерэг мэдээлэл түгээх тусам нийгэм гэрэл гэгээтэй мэдээлэлээр дүүрч цэнэглэгддэг. Үгээр хүнийг амьдруулж болно, алж ч болно гэсэн үг байдаг. “Үг” гэсэн хоёрхон үсэг байгаа боловч үүний цаанаа амьдралын түм буман гэрэл гэгээг өөртөө шингээсэн байдаг. Үг бол маш хүчирхэг зэвсэг гэдгийг 20 дугаар зуунд нейролингвистик программчлал нотолсон байна. “Нийгэмд тустай сайн мэдээ түгээх ая”-ы хүрээнд уншигч таньд сэтгэлийн амар амгаланг эдлүүлэх эерэг мэдээлэлүүдийг үдэш болгоны энэ цаг мөчид хүргэж байгаа билээ. Өнөөдрийн “Сайн”-ыг тоймлон хүргэж байна.
Сувилагчдын улсын аварга шалгаруулах уралдааныг зохион байгуулж, шилдгүүдийг шагнасан юм. 35 жилийн турш тасралтгүй ажиллаж, тэтгэвэртээ гарсан эх баригч эмч Л.Чулуунбадамыг Монголын ард түмний гавьяат цолоор шагналаа. Цагдаагийн байгууллагын түүхт 95 жилийн ой энэ жил тохиож байгаа. Энэ үеэр Лицензийн төвөөс тээврийн хэрэгслийн жолоодох эрхийн лавлагаа өгөх, жолооны үнэмлэх олгож, эрхээ хасуулсан жолооч нарт сургалт явууллаа. Монгол Улсын Ерөнхийлөгчийн зарлигаар Зэвсэгт хүчний 084 дүгээр ангийг Цэргийн гавьяаны одонгоор шагнасныг Ерөнхийлөгчийн Тамгын газрын дарга П.Цагаан өнөөдөр гардуулан өгсөн өдөр.
Монголын маань цэлмэг тэнгэр ододтойгоо учирахаар догдлон алтан наран уулсын цаагуур өнгийх цаг мөчид Монгол оронд маань өнөөдөр болж өнгөрсөн зарим үйл явдлуудаас Сайн мэдээг онцлон дуулгалаа.“Нийгэмд тустай сайн мэдээ түгээх аян”-ы санаачлагч “Эрдэнэт үйлдвэр” ХХК, зохион байгуулагч “Монголын сэтгүүлчдийн нэгдсэн эвлэл”, түгээн дэлгэрүүлэгч chuhal.mn сайт.Босоо заяат Монгол түмний минь заяа хийморь нь үргэлж өөдөө байж, дуу шиг уянгатай, сүү шиг өнгөтэй сайн мэдээ бүхэн тархан цуурайтах болтугай.
Сайн үйлс бүхэн өнгөжин дэлгэрч, цагаан сүүний цацал адил өөдлөн дэвжих нь лавтай
www.Chuhal.mn
