Улаанбаатар хотод хийгдэх автозамын өргөтгөл шинэчлэлийн ажлын хүрээнд зарим замд дугуйн замыг давхар төлөвлөн хийх юм байна. Нийслэлийн Автозамын газраас өгч буй мэдээллээр 2016-2020 онуудад нийслэлийн хэмжээнд хэд хэдэн байршилд дугуйн зам хийхээр төлөвлөжээ. Уг төлөвлөгөөний дагуу Гачууртын зуслангийн зам, Шадивлан, Морингийн даваа, Яармагийн замуудад дугуйн замыг давхар хийх аж. Улмаар нийт 59,9 км урт дугуйн зам барихаар тусгасан байна. Энэхүү ажил Улаанбаатар хотыг 2020 он хүртэл хөгжүүлэх ерөнхий төлөвлөгөөний дагуу хийгдэх аж. Дугуйн замыг 1.5 метр өргөнтэй, зориулалтын төмөр тороор, ногоон өнгөтэй зуурмагаар хийх юм байна.
Дугуйн зам нэмж хийнэ
2016-05-14 12:40:00
