8o
Улаанбаатар хот
mobile menu

Өнөөдөр болох үйл явдлын тойм

2016-05-16 07:33:00

08.30 цагт: Нийслэлийн Удирдах ажилтнуудын ээлжит Шуурхай зөвлөлгөөн Хангарди ордны 14 давхрын хурлын танхимд эхэлнэ. Энэ үеэр дүүргийн Засаг дарга нар өнгөрсөн 14 хоногийн нөхцөл байдлаа танилцуулж, нийслэлийн Засаг дарга цаг үеийн асуудлаар холбогдох байгууллагуудад үүрэг даалгавар өгнө. Утас: 99666553

10.00 цагт: Цэргийн улс төрийн байгууллага үүсэн байгуулагдсаны 95 жил, Дээд боловсролтой цэргийн мэргэшсэн улс төрийн ажилтан бэлтгэж эхэлсний 40 жил, цэргийн улс төр,соёл хүмүүжлийн ажилтны өдөрт зориулсан үзэсгэлэнгийн нээлт  Монгол цэргийн музейдболно. Утас: 89125099, 99121715, 99121609.

11.00 цагт: "PUMA IMPERIAL" Зочид буудлын хоёрдугаар давхарын хурлын их зааланд Гадаад хэргийн сайд асан, Стэнфордын их сургуулийн "Зөвлөлдөх ардчиллын хүрээлэн"-гийн Ахлах зөвлөх, судлаач Г.Занданшатар хэвлэлийн бага хурал зарлаж байна. Сонгуулийн хуулийн завхрал, Баянхонгор аймаг дахь МАН-ын хорооны байрыг хураасан мэтчилэн цаг үеийн хууль бус асуудлаар мэдээлэл хийх болно.  Утас: 99109693

11.00 цагт: Цэргийн улс төрийн байгууллага үүсэн байгуулагдсаны 95 жил, Дээд боловсролтой цэргийн мэргэшсэн улс төрийн ажилтан бэлтгэж эхэлсний 40 жил, цэргийн улс төр,соёл хүмүүжлийн ажилтны өдөрт зориулсан хүндэтгэлийн цуглаанын ажиллагаа ЦДБЭЧ-ийн тоглолтын зааланд болно. Утас: 89125099, 99121715, 99121609.

11.00 цагт: Нийслэлийн Үйлчилгээний нэгдсэн төвийн гуравдугаар салбар буюу Сонгинохайрхан дүүргийн иргэдэд төрийн үйлчилгээг ойртуулах зорилгоор газрын бүх асуудлыг нэг дор төвлөрүүлсэн Драгон салбар албан ёсны нээлтээ хийнэ. Төрийн 287 үйлчилгээг тэгш, нээлттэй, хурдан зарчмаар иргэдэд хүргэх төвийн нээлтэд сэтгүүлчид та бүхнийг урьж байна. Утас: 91040607

11.00 цагт: "Монгол Ньюс" Мэдээллийн төвд Буриад зоны их наадам “Алтаргана” энэ жил ОХУ-ын Буриад улсын нийслэл Улаан-Үд хотод болох талаар сэтгүүлчдэд мэдээлэл хийнэ. Эдүгээгээс 22 жилийн өмнө анх Хэнтий аймгийн Дадал суманд буриад дууны наадам нэртэйгээр зохиогдсон “Алтаргана” наадам жилээс жилд өргөжсөөр олон улсын чанартай болсон бөгөөд Монгол, ОХУ, БНХАУ-д суугаа буриадууд оролцож дуу хуур, ёс заншил, эрийн гурван наадмын төрлүүдээр өрсөлддөг аж.

12.00 цагт: МУСТА Л.Сөрөлт, А.Түмэн-Өлзий нар тавдугаар сарын 23-ны өдөр "Эх үрсийн баяр"-т зориулан хийх “Хайрын тэнгэр диваажин” уран бүтээлийн тоглолтын талаар болон үзэгчдээс нэг азтан тодруулж "Алтан сан" хорооллын хоёр өрөө байрны урьдчилгаа 30 буюу буюу 25 сая 800 мянгөн төгрөгтэй тэнцэх эрхийн бичиг гардуулах тул үзэгчдийг бичиг баримттайгаа ирэх мөн үлдэгдлийг банкнаас зээлэх тохиолдолд хэрхэх талаар "Монгол Ньюс" Мэдээллийн төвд тайлбар мэдээлэл өгнө.

12.30 цагт: МАХН-ын гишүүнчлэлээс татгалзаж байгаа талаар гишүүд "Монгол Ньюс" Мэдээллийн төвд хэвлэлийн бага хурал зарлалаа.

13.00 цагт: “Тусгаар тогтнол, эв нэгдэл” намаас оффшор данстнуудын “буян”-аар Монгол Улс өрнөөсөө салж, зээлийн хүүг 5-10 хувь болгож бууруулах боломжтой гэсэн сэдвээр "Монгол Ньюс" Мэдээллийн төвд мэдээлэл хийнэ.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment