Нар ээсэн нэгэн сайхан өдрийн мэндийг хүргэе. Цаг агаар олон аашаа үзүүлэхгүй ойрд нартай сайхан өдрүүд үргэлжилж төлөвтэй байна. Зуны дэлгэр цаг ирж байгаа учраас үр хүүхэд, гэр бүл, боловсролдоо цаг гаргаарай гэж зөвлөмөөр байна. Оюун уxаан ундаршгүй тул
Уншиж мэдэxэд цаг гарга
Ариун xишиг бурxныx тул
Хайр сэтгэлдээ цаг гарга... гэдэг шүлэг байдаг шүү дээ. Харин одоо та бүхэндээ орой болгоны энэ цаг мөчид хүргэдэг “Сайн”-ыг тоймлов булангаа хүргэж байна.
Гэр хорооллын дахин төлөвлөлтийн төслийн хүрээнд нийслэлийн Баянзүрх дүүргийн 8-р хороонд баригдсан 168 айлын орон сууцны барилгын нээлтийн үйл ажиллагаа болж, газраам чөлөөлж өгсөн иргэд шинэ байрны түлхүүрээ гардаж авсан байна. Цагдаагийн байгууллагын 95, Улаанбаатар хотын цагдаагийн газрын 90, Замын цагдаагийн албаны 80, Ахмадын хорооны 50, Гэрлэх ёслолын ордны 40 жилийн ойг тохиолдуулан цагдаагийн 15 хос оролцож хуримын ёслолоо хийсний дотор Цагдаагийн байгууллагад 30 жил үр бүтээл гарган ажиллаж, гэр бүл болж 40 жил ханилсан цагдаагийн дэд хурандаа Гадинаагийн Батжаргал, Тойжамцын Байгаль нар ахмадуудаа төлөөлөн “Алтан хурим”-аа хийж, залуу хойч үедээ үнэтэй сургамж сэтгэлийн үгээ хайрласан таатай мэдээлэл байна. Зорчигч нийтийн тээврийн нэгтгэлийн II баазын жолооч нараас Автобусны жолооч нар цагаан цамц өмсч, зангиа зүүх санаачлагыг гаргаж, хэрэгжүүлж эхэллээ.
Монголын маань цэлмэг тэнгэр ододтойгоо учирахаар догдлон алтан наран уулсын цаагуур өнгийх цаг мөчид Монгол оронд маань өнөөдөр болж өнгөрсөн зарим үйл явдлуудаас Сайн мэдээг онцлон дуулгалаа.“Нийгэмд тустай сайн мэдээ түгээх аян”-ы санаачлагч “Эрдэнэт үйлдвэр” ХХК, зохион байгуулагч “Монголын сэтгүүлчдийн нэгдсэн эвлэл”, түгээн дэлгэрүүлэгч chuhal.mn сайт. Босоо заяат Монгол түмний минь заяа хийморь нь үргэлж өөдөө байж, дуу шиг уянгатай, сүү шиг өнгөтэй сайн мэдээ бүхэн тархан цуурайтах болтугай.
Сайн үйлс бүхэн өнгөжин дэлгэрч, цагаан сүүний цацал адил өөдлөн дэвжих нь лавтай
www.Chuhal.mn
