УИХ-ын 2016 оны сонгууль дөхөж улс төр дэх эрхмүүд бужигналдаж эхлэсэн. Нэр дэвшигчид аль хэдийнээ тодорсон энэ үед бие дааж нэр дэвшиж байгаа дэвшигчид тойргоосоо 801-ээс дээш тооны гарын үсгийг цуглуулах ажилдаа ханцуй шамлан орцгоосон. Аймаг, дүүрэг бүрт нэр дэвшигчдийн гарын үсэг цуглуулах ажил эрчимжиж байгаа эдгээр өдрүүдэд дуучин Нара буюу М.Нарантуяа сонгогчдынхоо гарын үсгийг давуулан биелүүлж яваа сурагтай.
Түүний хувьд энэ талаараа "Өөр дүүрэг, хорооноос хүртэл гарын үсэг зурахаар хүмүүс ирж байна. Харамсалтай нь 69-р тойрогт 8,10,12,13,14,22р хороонууд тус, тус багтаж байгаа бөгөөд одоогоор 1500 гаруй гарын үсэг цуглуулаад байна. Сайны хажуугаар саар гэгч хэзээд байдаг учраас ганц, хоёр зохион байгуулалтай байж болзошгүй цөөн хэдэн асуудлууд байна. Хэдийгээр 801 хүний гарын үсэг гэж заасан ч магадлашгүй байдал үүсэхээс сэргийлж 3000 гарын үсэг цуглуулахаар зорьж байгаа" хэмээсэн юм. МУГЖ, Зууны манлай дуучин Б.Сарантуяа өөрийн хүүгийн хамт Нарантуяаг дэмжиж буйгаа илэрхийлж гарын үсгээ зуран амжилт хүссэн байна.
