Сонгууль дөхөж гэрт, гадаа, телевизээр хаа сайгүй улс төржиж, бие биенээ гүтгэж, ард түмнийг хоёр талцуулаад байгаа билээ. Энэ их бухимдалыг хажуугаар үзэгчдийг телевизийн өмнө уяж байгаа ганц нэвтрүүлэг бол “Яг түүн шиг” шоу билээ. Тус шоу монголдоо төдийгүй дэлхий нийтийн анхаарлыг татаж байна. Өмнө нь Nicki Minaj болон Sia Furler 2 өөрсдийн твиттер хуудаснаа жиргэж байсан бол Lady Gaga өөрийн твиттер хуудаснаа аварга ГАГА хэмээн жиргэжээ. Учир нь загвар өмсөгч Э.Энхболд өчигдрийн дугаарт яг түүн шиг буюу Lady Gaga шиг болсон бөгөөд тус наадамд оролцсоноосоо хойш анхны түрүүгээ аваад байгаа билээ.
