Чангахан дуугарч загнахаас хүртэл эмээдэг хүний нандин үрийг цэцэрлэгийн багш нэртэй хүчирхийлэгч ингэж тамлаж байна. Дөнгөн, данган ганцаараа сууж байгаа энэ хүү 10 сартай. Аав, ээж нь насан хүрээгүй болохоор хувийн цэцэрлэгт өгсөн л байж таараа. Хувийн цэцэрлэг мэдээж төлбөр мөнгөтэй. “Оюуны хөгжил” хүүхдийн цэцэрлэг сард 200 мянган төгрөгийн төлбөртэй талаар аймгийнхан нь ярьж байна. Гэтэл цалинг өгч, амьдралыг нь залгуулж байгаа бяцхан хүний үрийг ингэж тамлаж харгислаж байна.
Монголчууд бид иймэрхүү харгислалыг ихэвчлэн гадны дүрс бичлэгээс үзэж байсан бол бидний дэргэд ч ийм харгис хэрцгий үйлдэл байсаар байгаа нь харамсалтай. Энэхүү багшид ямар хариуцлага тооцсон болон хүүхдийн биеийн байдлын талаар бид эргэн сурвалжилж мэдээлэх болно.
