Мэргэжлийн боксчин Н.Төгсцогт энэ сарын 17 -нд буюу өчигдөр АНУ-ын Миссиссиппи мужийн Туника хотын “Horseshoe Tunica Hotel&Casino”-д “Dynamite” хочит Рафаэль Васкестай тулалдаж, эхний үед буюу минут 1 минут 24 секундэд өрсөлдөгчөө хүнд цохилтоор яллаа. Энэ удаагийн тулаан анх удаа 10 /раунд/ үеийн турш үргэлжлэхээр товлогдоод байсан ийнхүү өндөрлөв. Олимп, ДАШТ-ий мөнгөн медальт Н.Төгсцогтын өрсөлдөгч Рафаэль Васкес. 38 настай, Пуэрто Рикод төрж, Нью-Йорк хотын Брүүклинд өссөн. Мэргэжлийн боксын рингэнд 18 тулаан хийхдээ 16-д нь ялж, /13-ыг нь нокаутаар ялсан/ хоёр удаа ялагдсан хүчтэй, туршлагатай тулаанч байв. Н.Төгсцогтын хувьд мэргэжлийн боксын рингэнд зургаан тулаан хийж байгаа бүгдэд нь КО буюу нокаутаар өрсөлдөгчөө ялж хатуу самар болохоо нотолж чадлаа.
