Монголын уяачдын баяр буюу шигшмэл хурдан морьдын “Их хурд-7” уралдаан маргааш Хүй долоо худагт болно. Тус уралдааны еэр азарга, их насны морины уралдаан болохоос гадна Ерөнхийлөгчийн нэрэмжит Монголын хамгийн хурдан хүлэг шалгаруулах уралдаан зохион байгуулна. Уг уралдаанд морьдын үүлдэрлэг байдал, нас харгалзахгүйгээр уралдуулдаг уламжлалтай билээ. Түүнчлэн хүчит бөхийн барилдаан, урлагийн тоглолт, мөнгөн гүүний шагнал гардуулах ёслолын ажиллагаа болох юм байна.
