“Рио-2016” олимпийн жүдо бөхийн эмэгтэйчүүдийн 48 кг-д Казахстан улсын нэрийн өмнөөс барилдсан Галбадрахын Отгонцэцэг хүрэл медаль хүртэж, Монгол төдийгүй казахстанчуудыг баярлуулсан билээ.
Түүнийг хүрэл медалиа энгэртээ гялалзуулсаар очиход нь Казахстан улс баатрын ёсоор угтан авч, баяр хүргэсэн юм.
Олон улсын хамтын ажиллагааг бэхжүүлэхэд оруулж буй хувь нэмрийг нь үнэлэн, Казахстан улсын Дотоод явдлын яамны сайд, хурандаа генерал К.Касымовын тушаалаар Г.Отгонцэцэг болон түүний дасгалжуулагч Д.Энхбаатар нарыг “Kyrmet” одонгоор шагнажээ.
Мөн Г.Отгонцэцэгийг Казахстан улсын “Динамо” нийгэмлэг тамирчнаар авч, бэлтгэл сургуулилтыг нь базаалцахаар болсон аж. Сонирхуулахад, Казахстан улсГ.Отгонцэцэгийг “BMW” загварын машин, 75000 ам.доллар, нэг өрөө байраар амжилтыг нь урамшуулсан юм.
