Гуалиг бие, булчинлаг гэдэс, хавангүй хөлтэй байснаа санаж байна уу? Гэтэл жирэмсэн үедээ амттан, хоолыг тохируулалгүй ихээр идсэнээр таргалж, жирэмсний хожуу үеийн хордлоготой болдог. Тэгвэл энэ асуудлыг жирэмсэн байхдаа зохицуулж болохоор боллоо. Тарган “Би” баяртай. Эрүүл жирэмслэлтийн хугацаанд эх 10-12 кг нэмэх нь хэвийн гэж үздэг. Үүнээс илүү эсвэл бага бол хяналтийн эмчээсээ таарах хүнсний зөвлөмж аваарай.
Жирэмсэн үеийн эхний гурван сарын хооллолт
Эхний гурван сарын хугацаанд жирэмсэн эх хордлоготой үед дуртай зүйлдээ дургүй болох эсвэл огт идэж чаддаггүй хоолондоо дурлах гэх мэт олон өөрчлөлт гардаг. Өөрийгөө жирэмсэн гээд амттан бүрийг худалдан авч идээд хэрэггүй гэдгийг зөвлөмөөр байна.
Эхний гурван сард эмэгтэйчүүд шинэ хүнсний ногоо, жимс, цэцэгт байцаа, цагаан идээ буюу тараг сүү идэхийг зөвлөж байна.
Мөн өдөрт 2-2.5 литр усыг бага, багаар ууж занших хэрэгтэй. Энэ үед ураг хүүхэд болон бүрэлдээгүй жижигхэн зигот хэлбэрээр умайд байрласан байгаа. Энэ үед хөөрхөн хүүхдэд тань хангалттай шингэн, уураг агуулсан хүнс шаардлагатай. Тогтмол ус ууж занших нь ураг орчмын усыг хэвийн байлгах талтай. Уураг агуулсан хүнс, хоол хүүхдийн өсөлтийг тэтгэх, өөрийн биеийг хэт илүүдэл жинтэй болгохоос сэргийлж өгдөг.
Энэ үед жирэмсэн эмэгтэй хүнсний будаг оруулагчтай ундаа, жүүс, хоол хүнсийг идэхгүй байх, “Транс” тос агуулсан хоолыг сонгохгүй байх, лаазалсан, химийн аргаар гаргаж авсан хүнснээс зайлсхийгээрэй. Жирэмсэн болохоос өмнө эдгээр хүнсийг хэрэглэдэг байсан бол багасгах шаардлагатай гэдгийг зөвлөж байна. Эрүүл ээжээс, эрүүл хүүхэд.
Жирэмсний дараагийн гурван сард идэх хоололт
Жирэмсний хоёрдугаар шат буюу дөрөв, тав, зургадугаар сард өдөрт 2000 калори авах ёстой. Энэ нь үндсэн хоолноос 1700, нэмэлт амттан, жимсээс 300 калори авах шаардалагатай гэсэн үг.
Энэ үед илүү болгоомжтой байх хэрэгтэй. Таны идэж байгаа бүхнийг хүүхэд идэж байгаа гэдгийг санах хэрэгтэй. Энэ үед эхний гурван сарын адилаар авах ёстой уураг, өөх тосыг буруу хоололтоор биш эрүүл хүнсний ногоо, үхрийн махаас авах хэрэгтэй. Мөн оройн хоолонд хурц, шарсан тостой хоол идэлгүй жимс, тараг, жимсний салат хийж идэх хэрэгтэй. Алим, гүзээлгэнэ, хад, нэрс нь хамгийн тохиромжитой жимс. Эдгээр хүнсний бүтээгдэхүүнд урагын өсөлтийг тэтгэх олон витамин агуулсан байдаг. Оройн хоолондоо багахан зөгийн бал эсвэл шокладтай сүү хийж уух нь дархлааг сайжруулах болно.
Жирэмсний төгсгөл үеийн гурван сард идэх хоололт
Энэ үед таны хүүхэд долоо, найм эсвэл есөн сартай болсон байна. Энэ үед эмэгтэй хүн өдөрт 2150 калорийг хүнс, хоолноосоо заавал авах ёстой. Энэ үед өмнөх зургаан сарын адилаар хооллож чадвал илүүдэл жин, сунасан арьстай үлдэхгүй гэдгийг санаарай.
Амьсгаадах, зүрх судасны ямар нэг асуудалтай тулгарвал сүү уугаарай хэмээн зөвлөж байна. Мөн энэ үед хүүхдийн тархийг тэтгэх зорилгоор самар идэж эхлэвэл тун сайн.Мөн загасны тос хүүхдийн сэтгэц, мэдрэлийн өвчнөөс сэргийлдэг. Тун нь таарвал эм хэтэрвэл хор гэдгийг байнга сана. Жирэмсэн үедээ зөв хэвшил тогтоож чадвал эрүүл мэндийн ноцтой асуудал цаашид тулгарахгүй.
Эх сурвалж: WebMD
