Монголын Хөлбөмбөгийн Холбоо /МХБХ/-ын нэгдүгээр зэрэглэлтэй төдийгүй Олон Улсын Хөлбөмбөгийн Холбоонд данстай Монгол дөрвөн шүүгч “Зүүн ААШТ-ий хоёр дугаар шат”-ы тоглолтуудыг шүүхээр тус улсыг зорилоо. Өнгөрөгч долдугаар сард Гуам улсад зохиогдсон Зүүн ААШТ-ий урьдчилсан шатны тоглолтууд дээр Б.Хаш-Эрдэнэ, Э. Ариунболд нар ажилласан нь Монгол шүүгчид анх удаа олон улсын тэмцээн шүүсэн явдал болсон юм. Тус тэмцээнийг сайн шүүсэн Монгол шүүгчид Азид өндөрөөр үнэлэгдсэн тул хоёрдугаар шатны тоглолтууд дээр манай дөрвөн шүүгчийг дууджээ. МХБХ-ны нэгдүгээр зэрэглэлтэй Б.Хаш-Эрдэнэ, Д.Түмэнбаяр, Э.Ариунболд, Ч.Жавхлантөгс гэсэн шилдэг шүүгчид энэ сарын 6-14-ы хооронд болох “Зүүн ААШТ-ий хоёрдугаар шат”-ы тоглолтуудыг дэнслэх аж.
Монгол шүүгчид Зүүн ААШТ-ийг дэнсэлнэ
2016-11-06 11:00:00
