8o
Улаанбаатар хот
mobile menu

Азийн аваргууд эх орондоо иржээ

2017-04-18 15:46:58

Азийн оюутны аварга шалгаруулах 3х3 сагсан бөмбөгийн гурав дахь удаагийн тэмцээнд Монголын баг аваргалж, түүхэн амжилт үзүүлэв. Манай баг тамирчид дасгалжуулагч С.Тулгын удирдлага дор тэмцээндээ оролцож А хэсэгт БНХАУ, Малайз, Филиппин, Иран, Индонезтэй учраа таарчээ. Манай залуус эхний тоглолтоо БНХАУ-ын багтай хийж хожигдсон.  Удаах тоглолтод Филиппинийг 21:14-өөр хожсон. Улмаар Ираны хүчирхэг багийг 21:14-өөр буулган авав. Шийдвэрлэх тоглолтод манай баг Индонезийг 16:14-өөр хожин, хагас шигшээд шалгарсан.  Их шөвөгт манай залуус Тайландыг 18:11-ээр хожсон бөгөөд ийнхүү Монголын баг хоёр дахь удаагаа тус тэмцээний финалд шалгарсан юм. Улмаар Азийн аваргын төлөө манай баг хэсгийн тоглолтод хожигдсон БНХАУ-ын багтай тунан үлдэж өрсөлдөгчдөө 17:14-өөр хожин Азийн аварга болсон юм.

Түүхэн амжилтын эзэд өчигдөр эх орондоо ирсэн бөгөөд тэднийг Монголын Үндэсний сагсан бөмбөгийн холбооны хамт олон болон тамирчдын гэр бүл, багийн тоглогчид угтан авчээ.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment