-9o
Улаанбаатар хот
mobile menu

Чөлөөт бөхийн холбооны шинэ жилээр О.Насанбурмааг 25 сая төгрөгөөр шагналаа

2018-12-26 11:10:35

Монголын чөлөөт бөхийн холбооны шинэ жилийн арга хэмжээ “Мераж” клубийн ресторанд боллоо. Шинэ жилийн арга хэмжээнд МЧБХ-ны удирдлага, үе үеийн тамирчин, дасгалжуулагч, зүтгэлтэн, шүүгчид оролцов. 
Шинэ жилийн үеэр 2018 оны Унгарын нийслэл Будапештэд болсон насанд хүрэгчдийн ДАШТ-ээс мөнгөн медаль хүртсэн, гавьяат тамирчин О.Насанбурмаад 25 сая төгрөгөөр шагнасан бол хүрэл медаль хүртсэн ОУХМ Т.Түвшинтулга, Б.Шоовдор нарт тус бүр 10, Жакартагийн Азийн зуны спортын наадмын аварга гавьяат тамирчин Э.Бэхбаярт дөрөв, мөнгөн медаль хүртсэн Ш.Түмэнцэцэгт хоёр, хүрэл медаль хүртсэн О.Үйтүмэн, Э.Сумъяа, А.Батцэцэг нарт нэг, Бухарестэд болсон 23 хүртэлх насны ДАШТ-д хүрэл медаль хүртсэн гавьяат тамирчин С.Цэрэнчимэд болон Г.Ганхуяг, Ц.Намуунцэцэг, Э.Гантуяа нарт хоёр, залуучуудын ДАШТ-ий мөнгөн медальт Э.Дэлгэрмаа, Б.Халиунаад хоёр, Б.Бат-Эрдэнэ, Б.Энхцэцэгт 1.5, залуучуудын олимпийн наадмын хүрэл медальт Т.Оюун-Эрдэнэд 2.5, өсвөр үеийн ДАШТ-ий мөнгөн медальт Д.Отгонжаргалд 1.5, хүрэл медальт Б.Эрдэнэсувдыг нэг сая төгрөгөөр шагнасан юм. 
2018 оны шилдгийн шилдэг дасгалжуулагч Монгол Улсын гавьяат дасгалжуулагч Т.Сүхбаатар 1.5, шилдэг дасгалжуулагч гавьяат тамирчин О.Пүрэвбаатар, Орхон аймгийн “Ирээдүйн одод” сургуулийн дасгалжуулагч ОУХМ Б.Идэрсайханд нэг сая, шилдэг олон улсын шүүгч Л.Ганзориг, шилдэг улсын шүүгч Л.Урианхай нарыг 500 мянган төгрөгөөр урамшуулав. Түүнчлэн МЧБХ-ны удирдлагууд ахмад тамирчин, шүүгч, зүтгэлтнүүдээ мөнгөн шагналаар шагнасан юм. 
Монголын чөлөөт бөхийн дасгалжуулагчид шинэ жилийн үеэр ДБНХ-ны олон улсын дасгалжуулагчийн сургалтыг зохион байгуулж байгаа Дэлхийн бөхийн нэгдсэн холбооны сургагч багш, Украин улсын иргэн Андрей Воронцов, дэлхийн аварга Владимир Щацких нарт дурсгалын зүйлийг гардуулсан.
2019 онд Монголын чөлөөт бөхийн тамирчдын хувьд өндөр хариуцлагатай жил хүлээж байгаа бөгөөд Астанагийн ДАШТ-ээс “Токио-2020” зуны олимпийн наадмын олон эрх авч, медалийн арвин ургац хураахыг хүсэн ерөөе.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Хуульчил
мѳнгѳтэй үедээ их ѳгѳѳд мѳнгѳгүй үедээ багыг ѳгдѳг.сайндаа ихийг ѳгдѳг муудаа багыг ѳгч болохгүй нэгдсэн тариф тогтоо
2018/12/28 64.119.19.78
  • Recent
  • Most Read
  • Most Comment