16o
Улаанбаатар хот
mobile menu

Баглаат цэцгийг удаан хадгалах арга

2016-02-27 11:52:00

Ертөнцийн амьд сарнай болсон бүсгүйчүүд цэцгэнд дарагдах үе ойртож байна. Төрсөн өдөр, тэмдэглэлт ой, хурим, шинэ жил, бүсгүйчүүдийн баяр эсвэл зүгээр л энгийн өдөр ч гэсэн хамаагүй бэлгэнд авсан амьд цэцэгнүүдээ гэртээ тавихад харагдах байдал нь ч, өрөөгөөр тархах үнэр нь ч сайхан байдаг. Харин сэтгэлийг чинь сэргээсэн, анхилуун үнэрт тэр цэцгээ удаан хадгалахын тулд мэдэх ёстой хэд хэдэн бяцхан зүйлс бий.

1. Цэцгээ аваад аль болох хурдан усанд хий.

  2. Ваарандаа бага зэргийн бүлээн ус хийгээрэй. Хүйтэн, крантны ус цэцгийг хурдан үхүүлнэ.

  3. Хамгаалах уусмал бэлдэж болно. 1 л усанд чимх элсэр чихэр, 2-3 дусал цагаан цуу хийхэд хангалттай.

4. Белизна буюу хувцас цайруулагчийг литр ус тутамд амны халбаганы дөрөвний нэг хэмжээтэй байхаар тооцож хийгээрэй. Энэ нь шавжнаас сэргийлж, бактерийг устгаж өгдөг.

5. Цэцэгний усыг өдөрт нэг удаа солино.

6. Цэцгийг анх вааранд хийхдээ хурц хутга эсвэл хайчаар ташуу тэгш зүсч хийвэл илүү удаан амьдарна.

7. Цэцгэнд орон зай хэрэгтэй. Хэт олон цэцэг нэг вааранд байвал хурдан үхнэ. Тиймээс нэг вааранд 10-аас дээш цэцэг хийх хэрэггүй.

8. Усан дотор нь нэг ширхэг аспирин хийвэл удаан амьдрахад тусална.

9. Нарны шууд тусгалаас хол байлгаж, ваарыг цэвэрхэн байхад анхаараарай.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment