-9o
Улаанбаатар хот
mobile menu

Д.Миндиашвилигийн нэрэмжит тэмцээнд Г.Мандахнаран хүч үзнэ

2019-01-15 15:30:00

Олимп, дэлхийн аварга цуут бөх Иван Ярыгин, Бувайсар Сайтиев, Адам Сайтиев, Виктор Алексеев, Ахмед Атавов тэргүүтэй олон шилдэг хүчтэнүүдийн анхны багш, ОХУ-ын нэрт дасгалжуулагч Дмитрий Миндиашвилигийн нэрэмжит тэмцээн энэ сарын 18-20-нд ОХУ-ын Красноярск хотноо болно.

ОХУ-ын чөлөөт бөхийн холбоо тус тэмцээнээс долоо хоногийн дараа болох Иван Ярыгиний нэрэмжит “Алтан Гранпри”-д уг тэмцээнд түрүүлсэн бөхчүүдийг оролцуулахаар шийдвэрлээд байгаа юм.

Манай улсаас гавьяат тамирчин Г.Мандахнаран, ОУХМ Т.Түвшинтулга, Д.Хүдэрбулга, О.Үйтүмэн, Ө.Батзул, Б.Нэмэхбаяр, Б.Батмагнай, Н.Лхамгармаа, Г.Идэрхүү, Г.Отгонбаатар, Б.Хаш-Эрдэнэ, Н.Насанбуян, Э.Тэмүүлэн, Б.Бямбадорж, Г.Ганхуяг тэргүүтэй 70 гаруй бөхчүүд зодоглоно.

ДАШТ-ий хошой хүрэл медальт, гавьяат тамирчин Г.Мандахнаран өнөө жилээс 70 кг-д, “Будапешт-2018” ДАШТ-ий хүрэл медальт ОУХМ Т.Түвшинтулга 57 кг-ын жинд барилдахаар болоод байна.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment