-9o
Улаанбаатар хот
mobile menu

Б.БАТМАГНАЙ ӨНГӨРСӨН ЖИЛИЙН АЛДААГАА ЗАСЧ, ХҮРЭЛ МЕДАЛЬ ХҮРТЛЭЭ

2019-01-27 13:30:00

Эрэгтэйчүүдийн 65 кг-ын жингийн хүрэл медалийн төлөөх барилдаанд Монголын хоёр тамирчин хоорондоо хүч үзэв. Азийн АШТ-ий хүрэл медальт, “Алдар” спорт хорооны тамирчин ОУХМ Батчулууны Батмагнай, өсвөр үеийн Азийн аварга, “Хүч” спорт хороо, “Арслан” клубийн тамирчин ОУХМ Төмөр-Очирын Тулга нар өчигдөр Монголчуудын эчнээ танил тувагийн Начын Кууларт ялагдсан билээ. Ингээд хоорондоо медальтай үлдэх эсэхээ шийдэх барилдаанд насаар ах Б.Батмагнай 4:2-оор ялав. Б.Батмагнай өнгөрсөн жил тус тэмцээний хүрэл медалийн төлөөх барилдаанд ялагдаж байсан бол энэ удаа алдаагаа засч, шагналын тавцанд зогсох эрхтэй боллоо.
XXX тэмцээнд эрэгтэйчүүдийн зургаа, эмэгтэйчүүдийн найман жингийн барилдаан болоход Монголын бөхчүүд хоёр алт, хоёр мөнгө, найман хүрэл медаль хүртээд байна. Тэмцээний сүүлийн өдөр буюу маргааш манай таван тамирчин хүрэл медалийн төлөө барилдана.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment