Монгол Улсын Ерөнхийлөгч Ц.Элбэгдорж өнөөдөр салбартаа амжилт гаргасан иргэдэд Төрийн дээд шагнал гардуулна. Тодруулбал, спортын салбараас бодибилдингийн ДАШТ-ээс анхны алтан медалийг эх орондоо авч ирсэн мистер Ж.Нурлан, холимог тулааны дэлхийн аварга асан Ж.Нарантунгалаг, шатарчин, хоёр дахь их мастер Т.Батчимэг, нисэх загварын спортын анхны дэлхийн аварга М.Гонгор нарт Монгол Улсын гавьяат тамирчин цол хүртээхээр болжээ.
Харин Монголын Паралимпийн хорооны дэд ерөнхийлөгч Д.Сүрэнхорлоо Эрүүлийг хамгаалахын гавьяат зүтгэлтэн цолоор шагнуулах гэнэ.
