Хан-Уул дүүргийн Ерөнхий боловсролын сургуулиудын ахлах ангийнхны дунд гурав дахь жилдээ зохион байгуулагдаж байгаа "АВАРГА АНГИ" спортын наадам энэ сарын 29-31-ны өдрүүдэд Буянт-Ухаа спорт цогцолборт зохион байгуулагдаж байна. 2014 онд Хан-Уул дүүргийн ИТХ-аас санаачлан "Тамхигүй ирээдүй" уриан дор сагсан бөмбөгийн төрлөөр явагддаг байсан тус тэмцээн 2015 оноос эхлэн "НАЙРСАГ ХАН-УУЛ" уриан дор волейбол, ширээний теннис, шатрын төрлөөр өргөжиж, сургууль, анги хамт олныг олноор нь хамруулах болсон юм. Энэ жил "Аварга анги" спорт наадамд 17 сургуулийн 360 гаруй багийн, 3600 гаруй сурагчид оролцож авхаалж самбаагаа сорьж байна. 6000 гаруй хүүхдийг нэг дор нэгтгэж чаддаг "Аварга анги" спорт наадмыг мэргэжлийн шүүгч шүүж, дүүрэг болон сургуулиудаас томилогдсон баг, хамт олон тэмцээнийг зохион байгуулж байна. - See more at: http://www.unen.mn/content/60849.shtml?alias=unen#sthash.oquubkH0.dpuf
”Аварга анги” спорт наадам боллоо
2016-03-30 09:53:00