“Рио -2016” олимпийн эрх олгох чөлөөт бөхийн олон улсын тэмцээн “Буянт-Ухаа” спорт цогцолборт үргэлжилж байна. 80 орны 600 гаруй тамирчин өрсөлдөж буй энэ тэмцээний үеэр Монголын чөлөөт бөхийн холбооны ерөнхийлөгч Д.Дагвадоржыг Дэлхийн бөхийн нэгдсэн холбооны“Алтан од”одонгоор шагнасан байна. Уг шагналыг Олон улсын олимпийн хорооны гишүүн, Дэлхийн бөхийн нэгдсэн холбооны ерөнхийлөгч Н.Лалович гардууллаа. Мөн энэ үеэр Монголын үндэсний олимпийн хорооны тэргүүн дээд шагнал “Олимпийн алдар” одонгоор ДБНХ-ны ерөнхийлөгч Н.Лаловичийн энгэрийг мялаалаа.
