Бид дүрдэг цайг дуусахаар нь шууд хаячихдаг. Харин одоо хаяхыг яарах хэрэггүй. Дүрдэг цайны уут ямар олон төрлийн ашигтайг танд энэ удаагийн зөвлөгөө булангаараа хүргэе.
Шавьж, шумууланд хазуулсан бол: Хазуулсан газраа тавьбал загатнах нь багасна.
Нүдний доор хар зураас гарсан үед: Та цайны уутыг бүлээн усаар норгоод 20 минутын турш нүдэн дээрээ тавьснаар хар зураас багасах болно.
Наранд түлэгдсэн бол: Түлэгдсэн газраа дүрдэг цайны уутыг норгоод тавих хэрэгтэй. Хорсолтыг нь намдаах болно.
Буйлнаас цус гараад байвал: Хүйтэн усаар норгоод цус гарсан хэсэгтээ тавих хэрэгтэй. Ингэснээр цусыг хурдан тогтоож, ахиж цус гарах магадлалыг бууруулах болно.
Шалбарсан бол: Шалбарсан хэсэгтээ тавьснаар шархыг хурдан эдгээх болно.
Цэврүүтсэн бол: Цэврүүн дээр өдөрт 10 минутын турш халуун цайны уут норгож тавих хэрэгтэй. Хоёрхон хоногийн дотор эдгэх болно.
Хавагнасан бол: Өглөө босоход юмуу уйлсны дараа нүд хавагнасан байдаг. Та цайны уутыг бүлээн усаар норгоод 20 минутын турш нүдэн дээрээ тавих хэрэгтэй.
Эвгүй үнэртэй хөргөгч: Хөргөгчнөөс эвгүй үнэр гараад байгаа бол цайны уут хийчих. Хэд хоногийн дараа арилах болно.
Шивэртэй гутал: Цайны уут бол маш сайн үнэр дарагч юм. Эвгүй үнэртэй гутландаа хийгээд хэд хонуулах хэрэгтэй.
Шавьжтай бол: Шкаф гал тогооны тавилгандаа хэдэн ширхэг цайны уут хийчихвэл шавьж үргэдэг байна.
