Сүүлийн үед банкны гүйлгээнээс хуурамч мөнгөн дэвсгэрт илрэх тохиолдол гарсаар байгааг цагдаагийн байгууллагаас мэдээлсэн. Тэгвэл энэ төрлийн гэмт хэрэг дахин гарчээ. Тодруулбал, өчигдөр Баянзүрх дүүргийн 47 настай иргэн Ө-ийн мөнгөн дэвсгэрт солиулах гүйлгээнээс BO5A398756 сери дугаартай 3 ш, R88Y463151 сери дугаартай 1ш, нийт 4ш 100-тын юань илэрсэн байна. Хэргийг Баянзүрх дүүргийн цагдаагийн хоёрдугаар хэлтэст шалгаж байгаа юм байна.
