Төрөхөөр эмнэлэгт хүргэгдэж байсан эмэгтэйг “103”-ын эмч нар машинд төрүүлэхгүй хэмээн чимхэж гэмтээсэн гэх зураг бүхий цахим сүлжээгээр тархсан билээ. Энэ талаар албаны эх сурвалж “Энэ иргэн манай төвийн түргэн тусламжийн автомашинаар нийслэлийн I төрөх эмнэлэгт ирсэн нь үнэн. Бид энэ асуудлыг одоогоор шалгаж байна" гэжээ. Мөн жирэмсэн эмэгтэйг гэмтээсэн гэх эмчийг буруу үйлдэл хийсэн хэмээн арга хэмжээ авахаар болжээ. Тус эмэгтэй охин О-гийн хамт түргэний машинаар Нийслэлийн Өргөө амаржих газар буюу Нэгдүгээр төрөх рүү хүргэгдэх явцад хүчтэй өвдөлт өгч, түргэний эмчид хэлэхэд эмч өвдөлт сарниулж булчин суллаж байна хэмээн эмэгтэйн гуя руу алгадан чимхэж эхэлсэн аж. Ингээд Нэгдүгээр төрөхөд хүргэгдэж үзлэгийн өрөөнд орж орон дээр гарахад хүүхдийн толгой аль хэдийнээ цухуйсан байжээ.
