Монгол Улсад гадаадын 3 банк төлөөлөгчийн газраа ажиллуулах хүсэлт гаргажээ. Тодруулбал, БНХАУ-ын "Bank of China" дээр нэмэгдээд ХБНГУ-ын "Deutsche bank", АНУ-ын "Goldman Sachs" банк Монголд үйл ажиллагаа явуулах хүсэлт илгээжээ. Уг хүсэлтийг Сангийн яам судалж үзээд Монголбанктай зөвшилцөх юм байна. Банкны тухай хуулиар гадны банк манай улсад үйл ажиллагаа явуулахын тулд дор хаяж нэг жилийн дотор төлөөлөгчийн газраа ажиллуулах ёстой байдаг. Тэгвэл өнөөдрийн байдлаар манай улсад гадаадын 4-5 банк төлөөлөгчийн газраа нээжээ. Гадаадын банк Монгол Улсад үйл ажиллагаа явуулж эхэлснээр шударга өрсөлдөөн бий болж арилжааны банкуудын зээлийн хүү буурч, цэвэр өрсөлдөөн бий болно гэж зарим эдийн засагчид үзэж байна.
Монголд гадаадын 3 банк төлөөлөгчийн газраа нээх хүсэлт гаргажээ
2016-10-07 15:17:00