\
Нийслэлийн Засаг дарга бөгөөд Улаанбаатар хотын захирагч С.Батболд “Нийслэлийн 100 хоног”-ийн ажлын талаар өчигдөр мэдээлэл хийсэн. Энэ үеэр хотын дарга “Улаанбаатарын намар” арга хэмжээг 106 сая төгрөгөөр зохион байгуулсан нь шилэн дансанд тавигдсан мэдээллээс нийтэд ил болсон хэмээн ярьжээ. Түүнчлэн “Улаанбаатарын намар” арга хэмжээнд 12 мянга гаруй залуус цугласан бөгөөд цаашид энэ арга хэмжээг фестиваль болгон өргөжүүлж, хугацааг нь долоо хоног болгон сунгахаар төлөвлөж байгаа гэлээ. Мөн олон улсын миссийн тэмцээнд 20 сая төгрөг хандивласан гэдгээ хүлээн зөвшөөрсөн ч Засаг даргын нөөц хөрөнгөөс гаргаагүй гэв.
