Хиллари Клинтон санал хураалтын дүн гармагц өөрийн алжаалыг тайлахаар ууланд гарч, зугаалжээ. Тэрээр ерөнхийлөгчийн сонгуульд хэдхэн хувийн саналын зөрүүтэй ялагдал хүлээсэн бөгөөд түүнийг АНУ-ын ард түмэн хүндэтгэж хайралсан хэвээр байна.
Гэрстер гэх бүсгүй санал хураалтын дүнгийн дараа буюу маргааш өглөө нь ууланд өөрийн 13 сартай охины хамтаар гарч байхад Хиллари болон Билл Клинтонтой таарч зурагаа авхуулжээ. Гэрстерийн хэлсэнээр “Тэрээр ерөнхийлөгчийн сонгуульд ялагдал хүлээсэн ч сайхан харагдаж байсан” гэв.
Энэ нь сонгуулийн индер дээр үг хэлсэнээс хойш олны анхааралд өртсөн анхны тохиолдол байлаа. Гэрстер “Тэрээр улс төрийн нөхцөл байдалтай холбоотойгоор юу ч ярихыг хүсээгүй. Зөвхөн тухайн цаг үедээ л амьдарч модон дундуур алхаж байсан” хэмээн CNN-д хэлжээ.
