Хэдэн сарын турш Монголчуудыг цэнхэр дэлгэцийн өмнө уяж, сэтгэл зүрхийг нь огшоож чадсан "Авъяаслаг Монголчууд" шоуны энэ жилийн ялагчаар О.Энх-Эрдэнэ тодорлоо. Ялагчаас дутхааргүй үзүүлбэр үзүүлж, дэлхийн сонорт хүрч олон улсын хэвлэл мэдээллийн байгууллагуудын анхаарлыг татаж чадсан Б.Шижирбат 2 дугаар байр эзэллээ. Түүнчлэн тус нэвтрүүлгийн тод нэгэн од болох Б.Ихэрсувд өвөрмөц хоолойгоор Үкэлэлэ хөгжимтэй хоршин дуулж чадварлаг оролцогч гэдгээ батлан харуулж улмаар шилдэг наймд орсон юм. Тэгвэл Их аварга Асашёорү Д.Дагвадорж Б.Ихэрсувд охиныг Хавайд амруулахаар болсон тухайгаа өөрийн твиттер хуудаснаа ийн бичжээ. Тэрбээр "Үкэлэлэ хөгжимыг Монгол хүнд таниулсан дүүдээ баярлалаа! Энэхүү хөгжмийн нутаг Хавайд амрах бэлгийг дүүдээ шүү" гэжээ. тус шоуны үеэр Б.Ихэрсувд нь Д.Дагвадоржийн экс эхнэр Г.Тамирын төрсөн эгч Г.Хосбаярын охин гэсэн мэдээлэл гарч байсан билээ.
