Форбес сэтгүүлээс жил бүр гаргадаг “Дэлхийн хамгийн хүчирхэг хүмүүс” жагсаалтыг 2016 онд ОХУ-ын ерөнхийлөгч Владимир Путин тэргүүллээ. Тэрээр дөрөв дэх жилдээ жагсаалтыг тэргүүлж байгаа юм.Харин АНУ-ын ерөнхийлөгч Барак Обама 3 дугаар байраас 48 руу огцом уруудсан үзүүлэлт гарчээ.
Форбес сэтгүүлийн тайлбарт “Оросын ерөнхийлөгч өөрийн улс орны хүч нөлөөг дэлхийн өнцөг булан бүрт, эх орноосоо эхлээд Сири хүртэл, АНУ-ын ерөнхийлөгчийн сонгуульд хүртэл нөлөөлж мэдрүүлж чадлаа. Путин хүссэн бүхнээ хийж чадсаар байна” гэжээ. Ингээд "chuhal.mn" веб сайтын уншигчиддаа дэлхийд нөлөө бүхий хамгийн хүчирхэн хүмүүсийг танилцуулж байна. Жагсаалтыг бүрэн эхээр харахыг хүсвэл энд дарж нэвтэрнэ үү.
- Владимир Путин (ОХУ-ын ерөнхийлөгч)
- Дональд Трамп (АНУ-ын ерөнхийлөгчийн сонгуулийн ялагч)
- Ангела Меркель (Германы Холбооны канцлерь)
- Ши Жиньпин (БНХАУ-ын дарга)
- Ромын Пап (Ромын Католик шашны тэргүүн)
- Жанет Елэн (АНУ-ын Холбооны Нөөцийн сангийн тэргүүн)
- Билл Гэйтс (Тэрбумтан, филантропист)
- Ларри Пэйж (Google-ийг үүсгэн байгуулагч)
- Нарендра Моди (Энэтхэгийн ерөнхий сайд)
- Марк Зукерберг (Facebook-ийн үүсгэн байгуулагч)
