2017 онд болох Арктикийн Зөвлөлийн дээд хэмжээний уулзалтын үеэр ОХУ-ын ерөнхийлөгч Владимир Путин, АНУ-ын ерөнхийлөгч Дональд Трамп нарыг уулзуулах төлөвлөгөөтэй байгаагаа Финланд улс мэдээлжээ. Уг зөвлөлийг Финланд улс 2017-2019 онд даргалж байгаа бөгөөд уулзалтын тов тодорхой гараагүй ч Финландын тусгаар тогтнолын баяраар уулзалтыг зохион байгуулах магадлалтай байна.
Арктикийн Зөвлөл нь Хойд туйлтай хил залгаа Канад, Дани, Финланд, Исланд, Норвеги, Орос, Швед, АНУ орнуудыг гишүүнээр багтаасан байгууллага юм.
Өчигдөр В. Путин Трамптай “уулзахад хэзээ ч бэлэн, манай талаас татгалзах зүйлгүй” хэмээн сэтгүүлчийн асуултад хариулсан юм.
Трамп, Путин нарын уулзалт нэгдүгээр сард болох АНУ-ын ерөнхийлөгчийн тангараг өргөх ёслолоос хойш болох магадлал өндөр байгаа ажээ.
Эх сурвалж: Russia Today
