-15o
Улаанбаатар хот
mobile menu

Төр нийгмийн нэр зүтгэлтэн С.Зоригийн амь насыг хөнөөсөн хэргийн захиалагч нь хэн бэ

2016-12-27 12:39:00

 

Төр нийгмийн нэр зүтгэлтэн С.Зоригийн амь насыг хөнөөсөн хэрэг одоогоос 18 жилийн өмнө буюу 1998 оны аравдугаар сарын 2-нд гарсан байдаг. Гэвч хэрэг гарснаас хойш нэр бүхий хүмүүсийг эл хэрэгт сэжигтнээр татан, шалгаж байсан ч өнөөг хүртэл гэмт этгээдийг илрүүлээгүй юм.

 Харин хамгийн сүүлд Б.Содномдаржаа, Ц.Амгаланбаатар, Т.Чимгээ нарыг эл хэрэгт сэжигтнээр татаж, шалгаж эхэлснээр хэргийг шүүхэд шилжүүлсэн байдаг. Ингээд тэдэнд холбогдох хэргийг ШШГЕГ-ын харьяа Цагдан хорих 461 дүгээр ангид дөрвөн өдрийн турш хаалттай хэлэлцлээ. Ингээд өнөөдөр шүүх бүрэлдэхүүн зөвлөлдөж байгаад шийдвэрээ гаргасан байна.

 Үүнийхээ дараа шүүх хуралдааныг даргалагч шүүгч М.Алдар шүүх хурлын шийдвэрийг олон нийтэд танилцуулсан юм. Ингээд шүүх бүрэлдэхүүн шүүгдэгч Б.Содномдаржааг санаатайгаар бусдын амь насыг захиалгаар онц хэрцгийгээр хөнөөсөн, насанд хүрээгүй хүүхдийг гэмт хэрэгт уруу татсан, өөр гэмт хэргээ нуун далдлах зорилгоор хүний амь насыг онц хэрцгийгээр хөнөөсөн үндэслэлээр 25 жил онц дэглэмтэй хорих ангид хорих шийдвэр гаргалаа. Түүнд оноосон 25 жилийн 23 жилийг нь гяндан хорихоор болсон байна. Харин шүүгдэгч Т.Чимэгээд бүлэглэн шунахайн сэдлээр насанд хүрээгүй хүүхдийг гэмт хэрэгт уруу татсан, хүний амь насыг санаатайгаар онц хэрцгийгээр хөнөөсөн үндэслэлээр 24 жилийн хорих ялаар шийтгэлээ. Харин Ц.Амгаланбаатарт давтан хүний амь нас хөнөөсөн, хэргийг нуун дарагдуулсан үндэслэлээр 25 жилийн хорих ял оноолоо. Гэхдээ эл хэргийн захиалсан хүн тодорхойгүй байгаа юм. Тиймээс "С.Зоригийн хэрэг" захиалагч нь хэн байв гэдэг том асуулттай үлдлээ.

Шүүх бүрэлдэхүүн прокуророос гаргасан яллах дүгнлэтийг хэвээр нь буюу Эрүүгийн хуулийн 91.2.1, 91.2.4, 91.2.6, 91.2.10, 91.2.11, 91.2.12, 91.2.13, 91.2.15-аар яллажээ. Шүүх хурал тав дахь өдрөө үргэлжилж буй бөгөөд өчигдрийн 22.00 цаг хүртэл шүүх бүрэлдэхүүн зөвлөлдөөд өнөөдөр 09.00 цагаас үргэлжлүүлэн зөвлөлдсөн юм. Дашрамд сануулахад, шүүх хурлыг Ерөнхий шүүгч М.Алдар даргалж, шүүгчээр Б.Мөнх-Эрдэнэ, С.Оюунчимэг, өмгөөлөгчөөр Л.Мөнхтөр, С.Оюунцэцэг, Д.Дашдорж, Л.Энхсайхан, улсын яллагчаар Б.Батжаргал, Ж.Сандагсүрэн нар оролцлоо. 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
zochin
shuugch nar ni hurtel deereese tushaalavchihsan baigaa biz uneheer haramsaltai ene 2 hunii umnuus haramsaj bn gemgui baij hun alsan gej guitguuleed
2016/12/28 84.186.73.107
zochin
2.gants gerch bulgan bizdee
2016/12/28 84.186.73.107
zochin
1alsan uniig olj yl ugchihuud zahialagch ni todrohgui gaialtai ymaa ed nar chin unheer alsan bol zahialsan huniig medeh estoi bizdee bas bulgan gercheer orj ene humuusiig mun bish gedgiig medeh estoi
2016/12/28 84.186.73.107
Irgen
Iim shuugch nertei HAR HUVTSASNI GOL bolj ajillaj amidrahaasaa ene shuugch nar ichih heregtei,Onoodor ta nar nugel uildej bolno, uiliin urees hen ch, hezee ch bultaj chaddaggui l bhku yu !!!
2016/12/27 202.179.23.62
Hi
Hi
2016/12/27 27.123.214.120
  • Recent
  • Most Read
  • Most Comment