Өнгөрсөн пүрэв гаригт Америкийн ерөнхийлөгч Барак Обама дэлхийн чихийг дэлдийлгэсэн нэгэн мэдэгдэл гаргажээ. Учир нь ОХУ-ыг Америкийн сонгуулийн үйл ажиллагаанд нөлөөлсөн гэж үзсэн байна. Үүний улмаас Америкт ажиллаж байгаа Оросын 35 дипломат ажилтныг 72 цагийн дотор гэр бүлийн хамт тус улсаас гарч явахыг шаардсан байна. Энэ нь ОХУ-ын түрэмгий үйл ажиллагааны эсрэг авч хэрэгжүүлж байгаа эхний алхам хэмээн тэрээр мэдэгджээ.Оросын тал Обамагийн авч байгаа арга хэмжээнд харамсаж байгаагаа илэрхийлээд Москва мөн хариу арга хэмжээ авахаа мэдэгджээ. Гэхдээ шинэ ерөнхийлөгч 20-иод хоногийн дараа тангарагаа өргөх гэж буй тул энэхүү шийдвэр тийм ч олон хоногийн настай байж чадахгүй хэмээн ажиглагчид үзэж байгаа юм байна.
