Хятадын Гадаад хэргийн яамнаас мэдэгдснээр БНХАУ-ын Ерөнхийлөгч Си Зиньпин Давос дахь энэ удаагийн Дэлхийн эдийн засгийн форумд оролцох болсноороо тус чуулганд оролцож буй Хятадын анхны Ерөнхийлөгч болж байгаа ба Хятад улс олон улсын харилцаанд илүү их хувь нэмэр оруулах эрмэлзэлтэй байгаа гэнэ.
Ерөнхийлөгч Си Зиньпин нэгдүгээр сарын 15-18-ны хооронд Швейцарьт айлчлан, 17-нд бусад орны улс төрчид болон тэрбумтнуудын хамтаар жил болгоны форумд оролцох болно хэмээн яамны хэвлэлийн төлөөлөгч Лю Кан хэвлэлийн бага хурал дээр мэдэгдсэн юм.
Швейцарьт байх хугацаандаа Си Зиньпин ДЭМБ, НҮБ болон Олон улсын олимпийн хорооны байруудад айлчлах юм.
Alibaba-г үндэслэгч Жэк Ма, Dalian Wanda группын дарга Ван Жианлин, Baidu компанийн ерөнхийлөгч Жан Якин нар Ерөнхийлөгч Си Зиньпины айлчлалын багт багтжээ. Дэлхийн эдийн засгийн форум дах Хятад улсыг хариуцсан төлөөлөгч Дэвид Айкман, “Энэ жил Хятад маш том баг бүрдүүлэн ирж байгаа учраас олон улсын ихэнх уулзалт дээр Хятад хэлний орчуулагч ажиллах болно” хэмээн Bloomberg телевизэд өгсөн ярилцлагадаа дурьдсан юм.
БНХАУ-ын Дэд ерөнхийлөгч Ли Юаньчао 2016 онд, Ерөнхий сайд Ли Көцян 2015 онд Хятадын багийг удирдан Давосын чуулганд оролцож байсан билээ.
Өндөрлөг газар, цэвэр агаар, сайн чанарын хоол зэрэг нь сүрьеэг эмчлэх эмчилгээнд хамгийн ач холбогдолтой байсан үед боломжтой нэг нь Швейцарийн Давос хот дах сувиллын газарт удаан хугацааны турш хэвтэн эмчлүүлдэг байжээ. Антибиотик эмчилгээ нээгдснээс хойш Давосын сувиллын газар цанын бааз болсон түүхтэй ба 1971 оноос эхлэн дэлхийг илүү сайн сайхан болгох эрмэлзэл бүхий улс төрчид болон сайн дурынхан жил болгон Давост уулзалт зохион байгуулах болсон гэдэг.
Эх сурвалж: www.france24.com
